Eläminen

Mitä sie hajet paikkakunnasta ko sie suunnittelet siirtoa? Arvostatko eniten ylöskasuamistarjonta? Vaiko työmahollisuuet? Vaiko kulttuuritarjonta ja vapa-ajan aktiviteettejä?

Tid til hverandre
Kuva: Tor-Ivar Næss

Kreatiiviset, vireät ja pölkäämättömät ihmiset löytävät ittensä Pohjois-Tromssasta. Toivottavasti sie olet yksi niistä. Meillä on hyvät työpaikat, rikas kulttuurielämä, mahtava luonto ja turvalliset ylöskausamisolosuhteet, halki koko regiuunin. Täällä sie pääset käsiksi työunelmhiin ja olemhaan koko yhtheiskunnalle hyövyksi.

Meijän elinkeino on vahva ja moninnainen ja sijoittuu ympäri regiuunia. Pohjois-Tromssan elinkeinoa leimaa yhteistyö, innovatisuus, luovuus, kompetenssi ja vahva talous. Pohjois-Tromssa on luonnon puolesta hyvin rikas. Kalastaminen, maantalous ja energiaressursit ovat ossaa tätä rikkautta. Niin ku koko Norjassa meillä on paljon puhasta luontoa. Pohjois-Tromssassa kuitenki elämiskulttuuri on vielä luontokeskeinen. Luontokeskeisyys saattaa olla luoville ihmisille hyvinki tärkeä resurssi. Ja sijjaa meillä on joka suunthaan! Pohjois-Tromssa antaa juuri sulle valinnanvarraa.

Sääolosuhtheet vaihtelevat isosti: rannikolla on vuojen aikana hyvin tasainen temperatuuri, ko taas sisämaassa on kylmät talvet ja mielyttävän lämpimät kesät.

Elinvoimanen regiuuni koostuu kekseliäistä ihmisistä jokka näkevät mahollisuuet uusista paikoista. Haluatko olla yks niistä? Täällä on sijjaa sulle ja sun ideoille!

Tips en venn Skriv ut