Kunnat Pohjois-Tromssassa

Vi som bor her, og du som skal flytte hit, setter pris på frihet, mye plass og trygge oppvekstvilkår.

Met jotka täällä asumma, ja sie joka haluat tänne siirtyä, met arvostamma vapautta, paljon sijjaa ja hyviä kasuamismahollisuksia.

 

Pohjois -Tromssa on paikka kunnianhimoisille ihmisille, jokka haluavat saada aikhaansa. Vapaehtosta työtä arvostethaan, ja vireät tekevät paljon yhteiskuntahyvvää. Harvat on net paikat jossa saat enämpi sijjaa ja vaikutusvoimaa ko täällä. Sinun nähhään, sinun otethaan vasthaan ja sulla on hyvät mahollisuukset  parantaa sinun kariääriä Pohjois-Tromssassa.

 

Pohjois-Tromssa on Tromssan läänin pohjoisosassa, rajana Finnmarkun läänhiin. Regiuunilla on kans yhtheistä rajaa Suomheen ja Ruotthiin. Regiuunissa on kuusi kuntaa, Gáivuotna/Kåfjord (Kaivuono), Kvænangen (Naavuono), Nordreisa (Raisi), Skjervøy (Kierua) ja Storfjord/Omasvuotna/Omasvuono.

Lisää tietoa:
Gàivuona/Kåfjord, Kvænangen, Lyngen, Nordreisa, Skjervøy og Storfjord.

Avvainluvut

Areaali: 9368 kvm

Kunnankeskukset

Burfjord/Puruvuono, Storslett/Hansinkenttä, Skjervøy/Kierua, Olderdalen/Talosvankka, Lyngseidet/Yykeänmuotka og Oteren/Saukkonen.

Regiuunikeskus: Storslett/Hansinkenttä

Merikeskus: Skjervøy/Kierua

Kulkeminen

Lentokenttä: Sørkjosen lufthavn/ Rässikäisen lentokenttä

Hurtigrutenin laituri : Kieruan satama

Huritgbåt elikkä pikavene: Kieruan satama

Bussiyhteyet, myös Suomheen.

Uuempi historia

Isoin osa Pohjois-Tromssaa poltethiin saksalaisten paluumatkalla syksyllä 1944. Tämä dramaattinen sotahistoria jossa poltethiin ja pakkoevakoithiin ihimisiä, on jättäny syvät jäljet. Pohjois-Tromssassa on hyvin vähän rakennuksia jokka on rakennettu ennen sottaa.

Takaasinsiirto ja uuestirakentaminen sovan jälkheen, näytti sen ette täällä on kova yritysmieli ja suuri kotirakkaus.

Tips en venn Skriv ut