 |
| Govven: Tor-Ivar Næss |
Davvi-Romssas lea sadji lášmadis, hutkás ja oavánis olbmuide, dakkárii go don. Dáppe leat juohke suohkanis gelddolaš bargosajit, máŋgga lágan kultureallin, čáppa luondu ja mánáide lea buorre dáppe bajásšaddat.
Dáppe don sáhtát olahit iežat áŋgiruššamiid ja aigumušaid, ja duođaid leat mielde ovdánahttime guovllu.
Dávvi Romssas leat máŋggalagan ealáhusat lávda ja buori coavcci alde. Davvi-Romssas lea luondduriggodat ja valljodat, dáppe lea guolásteapmi, eanandoallu ja fápmoriggodagat. Dáppe lea girjás luondu, ja dáppe leat olbmot hárjanan birget ja ávkin atnit luondduriggodagaid. Luondduriggodat ja čábbodat leage dutnje, gii leat hutkái ja oaván, riggodahkan. Dáppe leat viiddis guovllut ja lea sadji eatnasiidda, sihke smávva barttaide ja stuora viesuide. Dus lea friddjavuohta ja vejolašvuohta válljet. Dálki rievddada, muhtomin lea mearragátti dábálaš ilbmi, mas bissot seammá temperatuvrrat measta miehtá jagi, ja muhtomin lea buolaš dego siseatnamis. Geasset lea oalle liekkas dáppe.
Geasuheaddji guovllus leat doaibmilis olbmot geat fuomášit guovllu vejolašvuođaid. Dáhtutgo don leat sis okta? Dutnje lea dáppe sadji!