Tämä teksti on kväännetty

Sie, joka haluat asua Pohjois-Tromssassa

Met toivomma uuet siirtyjät ja takaasinsiirtyjät tervetulheiksi meiän regiuunhiin.

Gård Spildra
Kuva: Beate Brostrøm

Pohjois-Tromssassa on paljon asumismahollisuuksia: joko tai sie haluat vuokrata/hyyrätä, ostaa taikka rakentaa. Muutampi meistä haluaa asua kunnan- tai regiuunikeskuksissa jossa kaikki on lähellä. Muutampi taas haluaa asua syrjäisemmin ulkokylissä. Meille mahtuu! Sulla on siis valinnanvarraa, ja ruuhkaliikennettä meillä ei ole misshään.

Vaikka täällä on pitkät matkat, meillä on helppo kulkea. Siksi moni assuu yhessä paikassa ja työskentellee toisessa.

Regiuunissa on laajasti rakennettua leveää nettiväylää. Se antaa sulle mahollisuuen käyttää uuenaikaista teknologia syrjäkylissäkin, ja sen tähen moni tekkee työtä kotoa käsin. Ihminen joka aikoo siirtyä tänne, löytää paljon hyövyllistä tietoa kunnan kotisivuilta.

Toivomma ette sie triivastut meillä!

Tips en venn Skriv ut