Álggahit iežat fitnodaga

Leatgo áigagis vuođđudit iežat fitnodaga? Vai árvvoštalatgo sirdit iežat doaimma ođđa báikái?

Linda Fjellheim Foto: Framtid i Nord
Govven: Framtid i Nord

Davvi-Romssa suohkanat bures vuostáiváldet du, guhte háliidat vuođđudit ođđa fitnodaga dahje sirdit iežat doaimma min guvlui. Dáppe lea buorre sadji du várás guhte áiggut vuođđudit doaimma. Suohkaniin leat ealáhusrávvejeaddjit geat máhtuideasetguin sáhttet du álggos veahkehit dárbbu mielde go don leat álgime, ja suohkanlaš ealáhusfoanda sáhttá leat dehálaš oassedoarjja mii dahká vejolažžan álggahit aiddo fal du prošeavtta.

Lagaš ovttasbargansoahpamuš Sámedikkiin, ”Innovasjon Norge” nammasaš ásahusain,báikkálaš ealáhusčoahkážiiguin ja industriijaguovddážiiguin dahká dutnje vejolažžan fitnodatjođiheaddjin háhkat alccesat máhtu, doarjaga ja rávvagiid ollislaš vuogi mielde.

Mii iluin vuorddašot vejolašvuođa veahkehit du ja du fitnodaga!

Tips en venn Skriv ut